露營 style

有人將城市搬去郊外，成個廚房搬去郊外，大吃大喝；連投影機都帶埋，大玩特玩；在郊外開酒巴，大飲特飲... 咁其實點解要去郊外呢？當然，若果有公德心的話，聲量不大，垃圾帶走，還是問題不大。

真正去郊外，就是要享受大自然，儘量簡單，但仍然舒適。

要享受大自然，當然先要愛大自然；你不愛，怎享受？

愛護包括欣賞，喜歡大自然！喜歡大自然，就不會把城市搬去大自然了！

愛護包括愛惜，不會消費大自然，也不會過度飲食！當然也會帶走垃圾！

愛護包括珍惜，不會破壞，包括不必要的聲音、不必要的燈光！

若不愛，談不上享受...

那麼為甚麼人要把城市搬去郊外？

第一：土地問題，平日生活在狹窄環境，去郊外純要大地方！霸得越多越好！

第二：逃避，平日生活壓逼多，郊外沒人管！要是破壞，要是嘈吵，警察來也不會太快！

第三：不好在家做的，就在郊外做！玩火...

Hiking Essentials 行山必備

預先計劃好行程

這是最重要的，這包括仔細的路線，山徑的入口，離開的地點，接駁交通工具的種類和班次。此外，若有後備路線，或是退出點，也需要有所計劃。

路徑的長度固然是重要的考慮，另外上落的高度差 (也要留意等高線的密度)，和上落的次數也重要，因為這些都會影響完成的時間。中途要計劃休息點，休息點至少要有樹蔭，或最好有涼亭。計算大概完成時間，這最好是按照大家以往的速度下限為估計，山徑上的預計時間其實沒太大參考價值！計算出最長完成時間後，每四小時再加多一小時作後備。留意當天日落時間。

不要過度依賴手機軟件或是 GPS

告訴家人行山路徑，和預計完成時間

物資

1. 足夠飲用水，也額外備其他飲料，例如有電解質的，或是有糖份的果汁之類，預多不要預少，若要減重也不要在這裡減

2. 鞋最重要有足夠保護，不要穿新鞋；襪子可以穿較厚的，甚至穿兩對襪子也可以

3. 食物，及後備食物；我喜歡即食糖水、即食粟米粒

4. 帽子等防曬物品

5. 登山杖

6. 毛巾

7. 藥水膠布等簡單急救用品

8. 若不清楚山徑情況，穿長褲會較理想

9. 驅蚊劑

10. 手機和後備電

11. 照明工具，就算預計只會在日間活動

12. 保暖防風衣物

13. 雨具／小天幕

守則

1. 不留痕

2. 自己垃圾，自己帶走 (果皮也要帶走!)

3. 禁止任何冒險行為，包括在危險地方拍照

4. 不要餵或驚動任何野外動物，避免與動物接觸

5. 不要採摘任何植物，嚴禁進食野果、野菇

6. 不要污染任何水源

7. 切勿走進叢林

尿袋的充電效能

近來發現尿袋充電有啲慢，起先係懷疑條充電線，但後來發現原來係個尿袋。我一直喜歡用 18650 尿袋，因為可以換電，去露營最方便，第二朝唔夠電可以換，甚至可以用原本俾營燈／頭燈用既 18650 嚟換，可以省去唔少重量。

今日慢既原因，應該係裡面既 18650 開始老化，慢到得返 0.4A 左右！

換電之後，即刻快返！

變成 0.76A，快近差不多一倍！既然係咁，我就順手測埋家裡其它尿袋：

呢個台電 (teclast) 新買返嚟時好堅，容量大，充電快，但原來佢已經拆舊了不少，得返 0.56A... 再跌就可以退役了！

另一個經常攞出去露營既尿袋，裡面既 18650 亦開始老化，得返 0.57A，還可以用多一段時間吧！

以下係我以前用嚟去露營既尿袋，有四粒 18650，應該更加老化，但佢輸出似乎都仲係相當唔錯喎：

有 0.69A，我諗係因為佢有四粒電夾埋！再睇一個可以放七粒電既尿袋，我只係放咗六粒超舊而且低質既 18650，結果真係唔錯喎：

竟然有 1.18A，最廢既電池，但卻係全場總冠軍！簡直係環保之星！以下係直駁 Orico 充電器既輸出：

呢個尿袋化廢物為神奇，仲充得快過插電制！最後係一隻黑馬，放響屋企無咩人願用，皆因佢樣貌普通，但原來卻係幾堅：

有 0.87A，日後我肯定會多啲用佢！

綜上以上既觀察，啲廢電池已經有歸宿，就係七電尿袋！出街雖然太重，但若果去得唔遠，其實都有賺又環保！

露營風扇

是咁的，我喜歡露營，但我好怕熱。

夏天不能去，秋涼可以開始，但有把好風扇係好重要。

吊扇乃係首選，風力夠，風量又足，但問題係用電不少，而且個營要有返咁上下大，要有個適合既位鈎，又要走線... 你見下面張相，我會帶兩個夾仔，夾住條電線，等佢唔會碰到扇葉。

吊扇本身算係輕，但計埋塊可以用一晚既鋰電，件事就唔同晒！

我發現就算二人營，都未必用得到吊扇，要睇營內的掛鈎位置！如果係正中，咁就無問題，但側埋一邊既多數都用唔到！

近來想玩輕量化，如果用一人營，吊扇肯定就用唔到！我手痕買咗把新版大芭蕉，然後綁條繩，搵啱個平衡點，吊起試過，開盡風力大過吊線，但風力相對集中，唔能夠吹晒成個人，但一人營空間亦細，搵日正式出去試吓！

重量方面，佢內置兩粒 18650，唔開最大兩級可用足成晚！唔入電直插尿袋都可以用！

輕過吊扇既電池！

一人營實測，效果非常好，風力和範圍都足夠，開二度 (2/4) 也夠用。

露營煮白飯

城市人慣咗用電飯煲，露營時要明火煮飯有啲難咁，不過其實都不太難。

預水方面，要比電飯煲多少少，或者其實當係一樣亦可！有人怕太軟，又有人鍾意軟，所以難以定論！再者，唔同既米亦有分別，所以總意係跟電飯煲一樣，再稍稍加多少少！

若用 gas 爐加鋁製 cookset 呢，基本上煲滾水一陣，然後打開搞混佢，然後再滾返，跟住離火焗就掂晒！萬試萬靈... 離火期間再煮餸，掂晒！

若用 titanium cookset 呢，就千祈唔好用 gas 爐！要用酒精爐！

有人以為 titanium 傳熱快，所以唔可以太火，其實呢個諗法錯晒！事實上，鈦傳熱係慢！但鈦鍋做得比較薄，所以感覺以為佢傳熱快唧！另一方面，鈦煲傳熱慢，所以熱力集中某些位置，好快就燶，又俾到人錯覺！

所以 titanium 配酒精就好！因為火比較慢！

講返煮飯，titanium 因為做得薄所以快滾，所以用返 gas 爐加鋁 cookset 煮法啲米會唔透心！解決方法有兩個，基本上係異曲同功！方法一：預先浸耐啲先煮佢！方法二：煮完再焗耐啲！

記得屋企做吓實驗先！因為唔同既爐，唔同的 cookset 都有分別，大家必需要對自己既工具有啲認識，先會用得好！屋企試咗，再出郊外試就穩啲，費事去到露營先至無得食喇！

Camping season again soon

Temperature drops a bit, time let me re-think different sub-systems:

1. Packing: the back pack, food storage, cookset packing, rubbish bag, etc

This is so far the weakest link, need to fine tune or upgrade

The above is the latest addition, it is a 36L 1.02kg backpack.  This one will be reserved for hiking and camping trips.  For camping alone trips, I will go back to my 75L backpack which is more than two times heavier.

2. Sleeping: the tent, sleeping bag, sleep pad, pillow, the pump, etc

Completed, not much room to improve.

3. Cooking/eating: stove, fuel, bowl, pot, cup, etc

Wind shield is not the best for all-in-one stove, otherwise good enough.

Fry pan could be improved too.

4. Water: bottle, filter, water bag, etc

Completed.

5. Lighting: headlamp, LED ribbon, tent light, peg light?...

Completed, and these are the latest additions.

6. Power: battery pack for fan, mobile phone, light...

Completed.

7. Others: fan, fly, hammer ...

Completed.

Nitecore LR10 first impression

Call me crazy, I got another camping light.

It's a bit heavier than the Helio (42g) but its brighter and features a better battery.

It's slightly bigger too.

The Nitecore has no moving part and it feels more solid.  The Helio has a hinge joint which does not feel very strong.  Both of them couldn't be used while charging.  However, the Helio does allow turning on the light with direct supply from the USB port by opening the hinge joint.

The Nitecore has a wider spread of light, wider range.  The Helio is more focused but yet wide enough for most purpose.

I shall write a full review after trying them out more.  I shall also double check the battery issue of the Helio which I mentioned before.  Stay tuned.

Why one more?  I dunno...

Changing Toilet Seat 換厠所板 (淘寶)

其實之前換過一次，原身個厠所板係舊式，一方手就跌落嚟，又大聲，又容易爛，見淘寶有平貨，仲話係緩降型，即係放手唔會立即路落嚟，仲平過香港買好多，就買返嚟用，結果一用就幾年。

嗰塊確實係緩降版，但升都係緩升，意思係你拍返上去要用少少力，仲要 hold 多一陣，否則佢又會跌返落嚟，好煩。

過咗兩、三年後，佢仲唔緩降，但升卻繼續緩升，所以索性再換。

買廁板要度幾個呎吋，仲要知係方型、 U 型、還是 V 型，但其實好易分既唧，度就度以下既呎吋：

今次我買咗呢塊，都係幾十蚊，佢緩降但不緩升，一推上去放手就停低！咁之係嘛！

另外，後面有個快拆制，一推一拉就可以拆成件野出嚟，更方便徹底清潔！正！

Sega Master System

Great old days...  youtube got them all...  just for my own record:

The very first game, built in the system:

Second game, with a card shape cartridge:

My first cartridge, my all time favorite:

Lord of the Sword, I placed a dictionary along to play:

I doubt if this is the last Cartridge:

Probably the very last Cartridge I bought, Altered Beast, my memory about this game was the very serious lag!

Flextail Gear Max Pump Plus

My friend got the Max Pump and I placed it side by side for comparison.  The Max Pump is slightly smaller, but the Max Pump Plus is actually lighter.

兩兄弟放埋一齊，新版大少少，但又輕少少喎。

And as you can see, the Plus has a better interface for pumping air out.  This could be very handy.

另外入氣地方有個正式既接口，抽氣方便好多。

Other improvement include the switch, as well as the covered USB charging port... it's also more powerful.

此外，開關制都明顯改善了，而充電位亦有個蓋，廠方話防水咯，但氣泵又何需防水？舊版容易意外開著，個開關制都易跌出嚟，新版無咗呢啲問題

Once fully charged, the LED turns green from red.

充電慢到暈，說明書話六至八小時無誇張到！

The charging takes so long that my friend said he never saw it fully charged.  The manual states that it took six to eight hours and it is accurate from my experience.

The Plus comes with three interface adapters, and they are capable to match with all my devices at home.

新版有三個接口，連埋本身即係有四個，我屋企所有氣墊都夾到喎！

Pumping air in is very fast!  I didn't count but it could be less than or around one minutes.  It's noisy, and so, make sure you did it before sleeping time.

呢隻野相當堅，勁快，當然都大聲，我無正式計但一分鐘左右一定已經滿氣！

正因為佢好嘈，所以建議一起營就泵氣喇，咪等夜媽媽瞓先嘈住人！

Finally, this pump holds it charge pretty well... unlike the Helio light from the same vendor.

最後呢個泵仔舊電唔錯，差滿咗唔會好似同系既 Helio營燈咁，充滿電之後幾日就自動無晒電咯

水袋背囊

最近身痕買咗個，呢種袋好貼身，通常都唔太大，方便跑山用，原來諗住去紅石門，但結果只係行頹山。

我平時飲水唔多，但用咗呢種袋呢，因為方便隨時可以飲，結果就飲多咗水。

我行山多只帶一個包，一支飲品，水同埋可能帶多包即食糖水之類，剛好都仲塞得落。

行出杖要外掛，另外前面仲可以有位放手機，充電器，仲可以放多一 set 18650 俾芭蕉扇添！

不過銀包係唔知放邊好，仲有太陽眼鏡，帽... 外掛？買咗之後，先發現有啲有埋腰包功能，用爛咗先換！

淘寶平野，呢個水袋都算係最簡單，我諗住用埋佢嚟裝濾水器，露營用！買咗另一個有 28mm 接口既水袋入溪水，然後經 filter 之後，再經條軟喉駁入呢個水袋，等佢慢慢漏過去。

揹帶前兩邊都有袋，有拉鍊可以放手機，另外有個網袋可以放多兩支水，或者其他雜物。 我就一邊放手機，網袋放充電器，額外電池供替換。

另一邊放鎖匙，同埋一支飲品。

大格夠放水袋，仲有少量食物，都夠晒行十個鐘。

紥營小貼士

最近同班小學生露營，第二朝大雨，剛好試吓各人既工程喇！落

呢兩張相都夠晒代表性！第一張，見到外帳有個扣位，呢個位平時唔落營釘都無大問題，但若雨勢大的話，唔落就會出現外帳貼實內帳，結果就容易水滲水！

另外呢張，都係完美示範點出錯：

1. 風繩角度落錯，應該同條營骨一致，咁落法失咗作用
2. 外帳既骨同營骨亦不一致，又係會外帳貼內帳懸兇

結果當然又係滲水，最後俾返張正確示範：

當然，小學生要求咪咁高喇，佢地第一次去露營唧，都算係咁！

Going ultralight: Carbon fibre poles (DIY) 碳纖維天幕桿

天幕係一件好正既野，但天幕杆卻係相當重，幾乎等於帶多個營既重量！

最起初貪平，走去買套裝天幕，不過原來係跟鐵桿，鐵桿好重，又唔夠硬淨，用咗唔夠五次已經開始出問題，節與節之間既回開始爛，其實唔影響操作既，不過就令人心思思想換。

後來買咗兩枝鋁桿，三峰出品，每支 350g (鐵桿兩支加埋近 1kg)，輕唔少，兼且實淨啲。其實起心買多兩支，另一個目的係四枝桿齊開，面積會大好多！不過咁耐都未試過，除咗有次同朋友仔一齊，每人帶兩枝，先會咁樣開法。

後來用癢癢想輕，買咗兩支副桿，得 11mm 粗，試過帶上山，有一次彈性，風頗大都無斷，但臨瞓就收返埋，始終怕出事。用 11mm 呢種桿，一定係搭細天幕，就算 3x3 都應該好易爛。

為咗輕，其實亦可以用樹幫手，好多時一枝桿都夠喇。

最近見人地玩碳纖，當然想試。坊間有現成既賣，但只得 13mm 粗，又好貴，覺得唔值！何不 DIY 呢？買齊兩支既材料，都只係貴過現成一枝少少咋！更重要係可以整返粗啲！

結果，買咗四枝一米長既碳纖維桿，賣家免費切開，變成半米長：

然後用塑鋼土裝上接口，因為啲接口係 20/18，而我啲桿只係 16/14，所以塑鋼土正好填返滿空隙！唔知實淨無，要出去試吓，屋企略略試似乎唔錯：

最後拉橡筋，上埋頭頭尾尾．．．當然無咁順利喇，啲頭尾配件話適合 16mm 桿，但結果頂針係 perfect fit，但底腳係要沙紙磨完入勉強入到！

製成品一枝 219g，相比起三峰鋁桿，每枝輕咗 130g，正！

我只係整咗兩枝，就算造齊四枝，都仲輕過兩枝鐵桿。

材料連結，給大家參考：

接駁件 (18mm /20mm 铝合金管连接器)，一枝需要三套接口

https://item.taobao.com/item.htm?spm=a1z09.2.0.0.419b2e8dJVpZdG&id=563849321643&_u=pmnemopfd64

天幕桿頂針／腳　（天幕铝杆专用铝针+尖锥头　天幕杆配件），一枝需要一套

https://item.taobao.com/item.htm?spm=a1z09.2.0.0.419b2e8dJVpZdG&id=25109096029&_u=pmnemop5df5

碳纖管：

https://item.taobao.com/item.htm?spm=a1z09.2.0.0.419b2e8dJVpZdG&id=524550457690&_u=pmnemop3ce7

--

後來發現塑鋼土並不穩固，所以再加了碳纖布，但這些碳纖布很難處理，很快乾，乾了太堅固，粘到手就大麻煩！而且外貌極差：

這杆後來某次被風吹壞了，但斷的不是碳纖，也不是接口的碳纖布，而是金屬接口！

從當晚風勢和斷口來看，似乎是 chok 斷了，也有扭斷的機會，或者兩者都有。

淘寶營幕／帳幕

諗返起幾年前開始身痕想露返營... 經濟之選當然要睇吓淘寶，而有啲真係平到唔敢買，所以既然夏天無得去露營，就手痕寫幾句俾大家參考吓。

首先，要避免啲咩即開營，包括自動彈開既，或者好似縮骨遮咁嗰種。講出嚟好似好方便，但實情係伏嚟！自動彈開既，大風啲都死，有雨就直頭玩完！除非係去沙灘遮吓陽光咁都仲得，想過夜就唔好喇！另外縮骨遮嗰種主要問題係好重，又大大件，仲有亦同縮骨遮一樣，大少少風都會吹斷！防水性能好過自動彈開嗰種，但都只係可以擋毛毛雨！另外有啲塑膠骨既都要避免！

最簡單方法係揀牌子，以下幾隻都有啲保證：

1. 牧高笛 (Mobi Garden)：呢個牌子實而不華，無太多花巧

2. Nature Hike 或稱 nh：呢個牌子人地話「世界第一」(鐘意抄襲)，佢啲野其實幾好，不過要小心佢成日重量都唔計地釘、風繩！扮晒輕過人，其實最終計埋唔一定。

3. 三峰 (3F)：呢隻牌子唔錯，但比上面兩個略貴一點。佢除咗抄人之外，偶爾都有啲原創性，算係有心既生產商之一。

4. 龍行者 (Longsinger)：同 1. 或者 2. 差不多級數

5. 靜星、自由之魂：國產之中都算係貴，「蔗渣」之中既極品

留意有啲牌子唔包 footprint，要自己再買，但好多時啲賣家都月套餐，留意 footprint 唔好貪大張，因為若果大過個營，落雨既時候反而載住啲水，滲返入去你個營仲衰！Footprint 呢啲野係隔一隔污漕，防水再好少少，要洗都易過洗營咁既唧。

露營用 USB 電蚊香？

近年有個趨勢，就係露營咩都轉用電，以前連燈都用氣燈，依家行 LED 又輕又光，用電又不多。

我都有啲身痕，諗住反正都帶大尿袋，連蚊香都心思思轉用電，因為電蚊香乾淨啲，又慳位啲，當然會重過傳統蚊香，但大家要留意呢樣野：

就係呢件野雖然細，但其實勁食電！0.94A 差不多 1A，實在太食電，不宜戶外使用！

更換反光風繩

露營時踢到，或被踢到風繩都是不開心，甚至是危險的事。試想有人因此跌傷，或是整個天幕因而倒下來，後果可以很嚴重的。

有人喜歡掛小燈，而我也有這類小燈，但最簡單、又不會製造光害的方法，當然就是更換反光的風繩。但更換反光風繩時，可能就暗示要棄掉舊風繩，那就很不環保。我們當然可以等舊風繩壞掉才換，但風繩也頗耐用的。

我想指出，我們可以先換必要的部份，而別的部份可以先留下，直到它們壞了才去換。

要最先更換才反光的，應該就是會接地釘的那些，因為它們最有機會被踢到的。

有甚麼風繩不會被踢到的呢？就是不接地釘的，例如接駁樹木的，或是用來吊起營燈，或是風扇等的，就可以保留用普通的風繩，而換出來的也可以留著，日後再用。

再見我的油爐 BRS-8B

簡單講，佢已經死咗，用咗兩年就玩完了．．．

話說佢第一次失靈，令到我要燒柴，諗返轉頭，可能係我唔識預熱佢，又或者係塞咗，呢點永遠無法肯定。嗰次之後，我曾經將佢解體、清潔，之後就一直安好，直到上嶂上．．．

嗰晚天氣相當凍，我發現泵唔起。簡單講，個泵泵極都好輕，明顯係失壓，當場拆開修理又唔覺有咩唔妥，但總之就用唔到了。

呢個爐可以燒 gas，咁咪諗住插 gas 用了，誰不知臨入預熱管個位漏氣！雖然只係輕微，但都夠煩了... 輕微既意思係漏氣位會著火，但我用口都吹得佢熄．．．不過吹熄咗又著返，死未！好在我有另一個  gas 爐...

第二朝，一切回復正常，你都咪話．．．

話說最近攞出嚟檢查，發現又係失壓，近來的起心肝修理，用佢附送既零件整返好個油泵！

跟住搞埋個爐頭喇！用佢送既零件，換晒啲膠圈．．．

換埋個分火碟、油咀．．．橫掂都係．．．

試用 gas... 漏氣，都係嗰個位，搞極都唔掂．．．

唯有放棄．．．　用咗兩年，用晒一大桶白電油，另外可能再加一、兩支散裝．．．

大概唔會再玩電油，酒精簡單又可靠，若要大火，我已經買咗個有預熱管既 gas 爐，火力都有返咁上下．．．

--

我仲有大半支白電油，上次在嶂上個泵無事唔會漏油，氣就會漏，所以搵次去戶外試吓用埋那些白電油，如果無問題呢，就會繼續用呢個爐，不過唔敢買大大桶白電油了，還是買返散裝，用到佢最後一口氣．．．

田夫仔營地簡介

是咁的，呢度行山路過得多，但一次都未露過，今次決定試一試

呢度無咩優點，而呢個正係佢最大優點，點解呢？

第一，最近行過去都個半鐘以上，遠．．．　

第二，無水源，田清橋下既水頗多，但都有啲污漕，濾一濾都可接受既．．．

第三，無現代化廁所．．．

第四，地方不大，地面有高有低，大既營有難度．．．

第五，電話接收不良，至少要行返出路口先有微弱信號．．．

綜合以上缺點，就變成最強優點：人少！寧靜！

卒之到了！我地由荃錦坳行過去，第一小隊總共要個半鐘，接近係無休息過，揹住 4-5L 水，輕裝都近 20kg，開始時掛水袋在背包，行到一半除返落嚟.... 咁大包水外掛，好似俾人拉往咁行，你都咪話．．．但行順咗其實係 ok，我估我行三個鐘應該都可以．．．

田清橋下，不算死水，但流動很慢，近岸邊有啡色東西浮在水面

可選擇行廿分鐘來回去上游少少取水，心理上好啲啲．．．

睇返個場，佢成長形，有高有低，可能因為無人所以草夠多，我地一行七人，都差不多紮滿個場了。。。　（當時仲有兩個師兄，一家人剛準備離開，夜少少又有一家人入）

呢篇唔係遊記，寫返個營地先，呢個位好多高壓電塔，夜闌人靜時有聲，對身體似乎唔太好？

個場有燒烤爐，有枱椅，有個大既亭，行出路口附近有流動洗手間