此營名叫三峰行雲，它已絕版，我已經忘記何時購入 (翻查記錄 2017 年 1 月)，但第一次使用是 2017 年 2 月，那次是在涌背頹 camp。第一次用感覺極度「屈質」，而且第一次唔太識起，起完感覺亦唔好：
隔咗一晚變晒型：
一人營既意思係個營同你張地蓆一樣大！意思係開地蓆同睡袋都要在營外進行，收地蓆時都幾煩架！而且所有行李都要放外帳，遇著落雨都幾「論盡」...
第二次用已經係年尾至 2018 年年頭，那次係上馬昂，徒步由馬鐵站行上去既！嗰次無咩影相，係第一次將個小天幕駁埋落去，亦係第一次玩 LED 燈帶。因為呢個營夠晒輕，若帶埋佢行山就開始識得欣賞佢既值價！頹 camp 實在無必要用佢。
第三次係2018 年二月再上馬昂，都係用佢，今次係坐車去到山路口先行，開始起得靚啲，但都係無相，只有用 360 相機影既。
第四次係田夫仔，因為要帶埋水所以算係遠征！呢次開始發現佢用唔到吊扇呢個問題，所以諗住下圖咁既玩法，將吊扇開在外面，然後再搭天幕，但咁樣風力大減，作用不大！幸好當晚入黑後顯著轉涼，甚至要開返個金仔既外帳：
第五、六次係水浪窩 solo camp，呢晚凍到低能，但呢個營仍然好掂！我印象中仲有一次係去大網仔既，不過已經搵唔返相。
我 solo 其實唔多會影相。
用金仔既好處係，超級輕裝，可以帶多啲其它野例如相機、腳架之類...
紥多幾次，個型開始出喇，唔會紥到核核突突：
大潭頹 camp 都用佢，順手試裝預備去長咀：
真正去長咀，如臨大敵，平時唔落晒咁多繩，呢次係第一次：
第二朝掛埋個濾水器上去添！掛咗濾水器難免變型！當晚風極大，天幕杆都吹斷，但佢依然健在：
水浪窩黃雨夜，滴水不漏，當然個天幕都要記一功，天幕在上，雨聲都無直接打落嚟咁大：
大東山極限之夜，就係呢次吹爛咗個外帳，我諗住個營實塌.... 能見度超低，風大到癲：
但最後竟然只係吹爛咗少少...
吹爛咗個原裝外帳之後，後來照用佢出去，呢次係赤徑，配一個 knots 既外帳，空間感更好，外帳可以放勁多野入去，落雨唔開天幕都可以煮食等：
但呢種紥法，其實內帳係有部份會突咗出嚟，但突出嚟既部份都仲係防水既，所以落雨都唔怕 (已測試)：
除咗上面那些，印象中仲有一次去過大網仔 (原裝用法)，一次上過荃錦 (內帳 + knots)...
唔覺唔覺都用咗十幾次！呢個營印象好似三、四百蚊左右，除返開幾十蚊一夜，回憶無價！就係呢啲回憶，推動我嚐試修理吓佢：
話說三峰隨營附送咗兩塊熱壓貼，我估主要都係用於穿咗之後補返防水，應該就唔食力既，所以我要先縫返好佢，之後再貼其中一塊修補貼上去遮醜！用鈦杯裝滾水去貼，發覺都好容易喎！野外都做得到！
呢個營實在有感情，無論用返原裝外帳，又或者用 knots 外帳，都想整返好佢再次遠征！
用吊扇既問題其實唔怕，因為夏天要開吊扇都唔會去得遠，不如就用返個二人 Mobi Garden 就好了！冬天要是係遠征，又或者 solo trip，呢個營亦真係有佢既好處，亦無需要用吊扇！
--
After repairing, it's up and kicking again!
And then on the next morning, I found another issue, I probably don't want to fix it again:
防水壓膠有啲甩，照計成條換都唔難，但我有啲懒，而且一人營真係太細咗啲。
另外，倒汗水都可以好誇張：
似乎要積極考慮換個新既！
--
20191207 再修理，壓膠爛咗，索性剪走埋佢：
改用 seam seal:
趁天氣乾燥，搞埋佢：
搞掂之後再貼埋塊修補貼上去！
Ready to go out again!
Posts
