繼「逆襲」，三峰最近推出了另一個輕量化背囊，名為「軌跡」
名有相似，而事實上也參考了相似名稱的背囊，主要是 ULA Circuit 或者 HMG Soutwest 也抄一點，所謂原創的腰帶調節方式，別人是用來調節背包帶，當然沒有抄足，但肯定係強烈參考
網上有既資料我不刻意重覆，簡單諗起幾個重點：
重量: around 800g
支撐: single metal stripe supporting
容量: around 35-45L
以下係我某次去 solo 露營既情況，放完基本物資 (三峰金仔、睡袋、地墊、爐、煲、櫈、個人用品、食物等...)，還有空間放多一部單反和小腳架！
那次重量大概 8kg 左右，背起來很舒適，相信放 10-12kg 都唔會有困難！
呢個袋好簡單，基本上得一個主倉，同埋一個超大網袋。主倉無水袋位，亦當然都無出水管位，就係一大格咁樣樣！
上面可以好似防水袋咁摺三摺封口，亦有一條拉鍊，必要時頂到盡都仲得！或者好似我依家咁，靠兩條側邊既扣連帶封口，我覺得咁樣自然啲，亦好睇啲。
頂仲有另一條索帶，呢條帶仲係用嚟扯起個前面個網袋！呢點係比較衰，因為當你開主倉既時候，網袋就會緊咗落嚟，放裡面啲野有機會移位！每次搞完都要執返正！
網袋兩邊有個開口位，上圖亦可見，原意聽聞係放水樽，放便唔使除落嚟都可以攞水飲，但實驗証明係唔得既，相反，支水仲會自動跌出嚟！
網袋係一塊過，無分左右同埋中間！真係超級簡化！但又因為咁樣，可以放勁多野入去，我放咗水樽、膠鎚仔、行山杖、水袋等雜物，卓卓有餘！
外另外旁邊有位可以索行山杖，但我覺得唔太好用！反正我支係折叠型，唔使外掛出嚟驚整親人！
腰帶有分碼既，我咁肥都係細碼！兩個腰包唔算大，放啲小物件就可以，例如鎖匙、尿袋等，手機大概就放唔落喇！
--
除咗露營，我都揹過去行山，16 公里左右，當日係 6kg 左右，都覺得好舒服！但攞相機出嚟就煩啲！我手都算夠長，攞水樽、放水樽都唔使除袋！
簡單嚟講，作為一個平價既輕量化背囊，都算係物超所值！當然還有好多改善空間！
聽聞「逆襲」係有水袋位，外袋間格亦好啲，但係無內置支撐系統，所以唔考慮！
講吓衰野，主倉攞野唔方便，一定要除低落嚟先攞到野！另外，網袋太開揚，行完密林會有好多記念品！無水袋 (hydration bladder) 位係一大煩惱，網袋那兩個多餘既洞用唔到，仲搞到有機會跌野添！另外，呢個袋無咩位可以俾你外掛其他野，扣都無多個！想吊隻杯出嚟，或者吊個溫度計都難！開主倉連網袋都開埋，又係唔方便！
正如我開首話，呢個袋似係抄 ULA Circuit，但就無咗支 U 型碳纖架，雖然用起上嚟都覺得好揹，但我估都有影響，或者減低有效背負？我唔知喇！
總體上我係滿意既，或者有時間再諗吓點樣自行 DIY 改善吓佢喇！咁既價錢，呢種實用性，同埋舒適度，收貨喇！
如果「逆襲」都有返條骨，或者會好過呢個「軌跡」？
--
剛試了一次到長咀露營，由北潭凹出發，行了十公里多一點，去程差不多三小時，出門時整套裝備超過 10kg，背負仍然舒適，估計 12kg 也不會有問題。
回程時大約 8kg (帶走全部垃圾)，當然更加舒適，所以比去程快了近半小時！
同行兩位朋友都用傳統背包：
Posts
