老田遊記：赤徑落雨露

 

落雨唧？使咩驚，希望在人間丫嘛

老田遊記：香港之巔

 

回憶總是潮濕的，潮濕的回憶。

老田遊記：長咀首露

 

成個九月都無去過露營，繼續炒舊貨

老田遊記：狗嶺涌露營 x 2

 

成日落雨，再加上露營地點封場，無野好做搵返啲舊相、舊片出嚟回憶吓。

Solo Camping: Something you want to know about solo camping but were afraid to ask aka 孤獨露

好鍾意去露營，但一年最多只去到幾次？

好鍾意去露營，但又唔係成日約到腳？

想自己去 solo 但又欠少少動力？有啲怕？有啲唔知點開始？

Solo 係咪好悶架？

Solo 之難難在咩？

Solo 有咩要注意？

大家分享吓...

露營怪事分享

嚟多條講露營既片，今次分享怪事...

露營充電風扇

我怕熱，但又鍾意露營，所以特別留意風扇。

如果咩因素都唔考慮，最理想既露營風扇係最平嗰種吊扇。但若考慮方便、重量、帳幕等因素，答案就會有啲唔同。今次唔講最平那種吊扇，反而講兩隻貴少少既。

以下呢兩款最大唔同係有內置充電池，用起嚟方便好多。

第一款係無罩既，風力比平價吊扇為強，但風量卻就比唔上。個人覺得風量係重要啲既！佢重量好老實，標幾多就真係幾多。電量方面，我無再測試過，但佢標 8000mAh 而實測確係夠用兩日一夜唔停開。

呢把野有遙控器，其實相當實用，因為半夜涼咗，亦唔使坐起身就可以調較，如果怕比扇葉把到呢，更加可以瞓低咗先開，閂咗先起身，安全度提升。

無罩既缺點係有機會被扇葉打到，但我自己從來都無試過。但無罩確實有機會打到內帳，尤其實較窄身既金仔營，若果係用金仔呢，我建議都係要搵個有罩既扇。

呢把野最大缺點係略為難收落背包，因為怕會壓爛，但其實扇葉都可以拆出嚟，而呢個應該唔係廠方既設計，而係要少少暴力，我相信拆得多無益：

拆開機芯有機油，灰色直頭就係磁石嚟！有機會整爛！但拆開啲確易帶出街好多！

好，既然無罩係呢把野最大既缺點，所以我又入咗另一件貨：

呢把大咗，又重咗唔少喎，但有罩！呢把貴啲而且無遙控，但因為有罩遙控器又變成無咁大需要。佢有個 fork mount 同加個夾，可以坐枱，又可以掛起。電量方面更有 10000mAh，風力同上面差唔多，扇葉呎吋其實亦差不多。前罩可以拆開清潔，甚至唔帶出去再輕啲！

Fork mount 旁邊接口位可以打開，拆咗螺絲就可以獨立吊起用：

De-fork 之後，只適合吊起用，重量如下：

前罩重 84g，即係得返 350g... 事實上，若用在金仔，有後罩已經唔會打到內帳！所以呢把野確實係有佢既價值！而因為有罩保護，帶出帶入亦無咁怕壓爛。

我以前用金仔係要靠大芭蕉，有咗呢把就多個選擇。

關於大芭蕉同平價吊扇，可看回舊文：

http://osioworld.blogspot.com/2018/10/blog-post.html

後尾拍咗條片：

陳百強的「等」和何韻詩的「明目張膽」

兩個年代的兩種態度。

若說王菲「約定」的續集是「郵差」，那麼這「明目張膽」更是明目張膽的去接續「等」。

Intro 已經「明目張膽」地讓人想起「等」。

八十年代簡單，千禧後的率直。

若說等，苦是因為你在選擇人，別人亦能選擇你。

若說真的等，那就不應明目張膽了。

既然你可選擇人，你也可以選擇企後幾寸去幻想，但千萬別要摸。

與其糊塗地換來他朝無窮的後悔，倒不如清醒地縮到最小，甚至彷彿不存在。

關鍵就是有權愛，其實也有權不必被愛，當然也有權選擇怎樣愛。

感覺又是「約定」和「郵差」背後的現實主義。

八十年代愛說：「做了後悔，總比不做後悔好」

千禧後世界並沒有變好，所以不做可以讓後悔更少。

最後選一些回應「等」的那種自憐宿命論：

Bridge:

暗裏進行更自在 不相戀 誰會受害 但願盡情地種 誰說花 需要開

Ending:

如若你發覺有我在 就結束暗戀的時代 無謂去博你憐愛
明白叫你太煩的 不是愛 
如若我也有權愛 同樣我也有權揀 怎樣愛

夏天露營經驗分享

上集：

天幕真係極重要，其實就算冬天都係，只要太陽一出，你用咩營都會曬醒，甚至熱醒！

所以啲咩前廳、外掛既前廳，又或者咩廳都好、大金字塔、雙 A 又好，你當儲物還可，但只要太陽一出，全部都要收檔！

補充多少少關於收營：夏天只要太陽曬住 (其實冬天都係)，營內溫度便會急升，所以最好醒咗就收睡袋、地蓆跟手晨埋，免得食完早餐要走返入去個焗爐去收拾細軟。

下集：

為你鍾情 Ukulele tab

Probably the most requested tab, so here we go:

A cheap demo quite a long time ago:

凝視死亡

年紀大了，人理應更累，但睡得卻更少

年紀大了，人理應更愛惜光陰，但卻會偷例凝視死亡，或許罪積累多了

淘寶直運

淘寶近來都幾積極推直運。

最初係搞咩直運咭，十五蚊人仔，三次十五蚊以下直運免費，另外又有啲紅包，結果我就試咗。

結果發現，我買三件貨，有時會分三次送，有時會集埋一包先送，都幾煩。

無所謂喇，都幾扺用。

但最後我用晒三次之後就無再買，因為覺得佢地鼓勵我買野既方法。平時真係有野買先買，仲要儲到有幾件先一次過買。

後來到雙十一，佢有得抽奬，感覺人人都抽到，我抽到五十蚊人仔，咁都好丫，唔使錢，咪照用咯，最後咪一啲貨用直運，以五十蚊為上限，其餘用返集運。

當日發現好似貴咗，運好少野就用完五十蚊，簡單講，五十蚊只得兩件唔係咁重既貨！不過心諗，唔使錢，是但喇！

直到某天....

收到電話話送貨上嚟屋企！仲話要收二十蚊送貨費，我話唔制，叫佢改送自提點！誰不知，自提點都一樣要收二十蚊！立時有中計既感覺！

後來發現，依家直運 default 係送去你家，而以前我買直運卡，那時 default 係自提點，而且係唔使附加費！

似乎真係一個局嚟！我諗唔到點解要用直運了...

就算無呢個局，直運都唔吸引，首先，你買野時要考慮清楚，一次過落單！無咗彈性！

直運唯一方便係唔使等齊貨再人手叫佢集運！但其實快唔得幾多，亦唔方便得多好多！

簡單講，用返集運喇！又平，又簡單，亦差不多速度！

嶂上營地水源

嶂上營地不難去，但營地除了許林士多內，並沒有水源。

許林士多平日未必開放，但若沿嶂上郊遊徑步行上去，路上仍有數個不錯的水源，就算沒有下雨，水量仍算穩定。

我是在秋冬時份上山，兩星期內沒下過雨，以下是水源的大約位置：

第一個普遍地圖都有顯示，就是猴塘溪，大路稍稍走入去便看見，路段易走易認：

入口處是 C5201 和 C5202 之間，比較近 C5202，路口處有下圖郊遊徑的標示柱：

路是這樣的，很分明易認，也不難走：

這溪比較闊大，水量極為充足，但離開營地亦最遠，宜上水途中取用，若然先紥營再取水，來回要 20 分鐘以上。

再放大看另外兩個水源位置：

這兩個位置基本上已經上到山上，屬平地部份，也有一些廢村屋在林中，似乎以前村民也是用這些水？

第一個是 C5203 後不久，水量很少，圖看比較差，但實地看卻尚可飲用，當然要先過濾：

另一個是 C5203 和 C5204 之間，黃竹塱範圍，水源相對充足，甚至有小群魚兒在其中！

以上兩個水源皆在路旁，不難發現，但正因為較近路旁，易被人為污染，宜跟著水流稍向上游前進取水，也建議先過濾、煮沸然後才飲用。

Prosperity at a distance

Prosperity is real, but the dark side is equally real.

The light casts a shadow all the way to the dark side, but behind the mesh, everything remains untouched.

Building up of the city

I am trying to pick up photography again, so here we go:

The silent typhoon shelter features the silhouette of the cargo moving ships, the light shadow of the high rise building cast back of the calm sea surface.

The misty sky covered the future, while the hardworking ships were dimmed.

露營神器

本文旨在講一些容易被忽略、價錢平但有用的東西。

1. 小毛巾

抹臉的小毛巾固然重要，但我更想講的是一條抹污漕野既小毛巾。

遇上落雨或是露水特別多時，停雨後抹一抹，可以大大加速晾乾的速度！遇有 footprint 沾了泥，那塊小布更是極為重要！

帶有這條小毛巾，回家後就不用拿天幕或營幕出來清潔了！

抹營釘也可以用上

2. LED 燈帶

我不是說那些裝飾的彩燈串，我是說那些黃光或是白光照明用的。

它們的好處是價錢平，捲起來體積小，重量亦輕，而且很光亮，照明範圍也大！

吊在天幕下，就成為一個很舒適，有足夠安全感的範圍！夜行動物一般怕光，這個明亮的地帶也有一定安全作用，當然昆蟲不在此例！

3. 蚊香

香港冬天也不算冷，蚊子總會有的。

用密實袋存放起來，每次都帶備，總會有用！

4. 風扇

吊扇好，或是大芭蕉也好，香港總是天氣熱！

若是用柴火，風扇更是神器！

5. 眼罩、耳塞

這個很不幸，香港推廣露營太成功，就是閒日都很難包場！

這兩樣小東西，可以幫助你睡得好些！

露營 style

有人將城市搬去郊外，成個廚房搬去郊外，大吃大喝；連投影機都帶埋，大玩特玩；在郊外開酒巴，大飲特飲... 咁其實點解要去郊外呢？當然，若果有公德心的話，聲量不大，垃圾帶走，還是問題不大。

真正去郊外，就是要享受大自然，儘量簡單，但仍然舒適。

要享受大自然，當然先要愛大自然；你不愛，怎享受？

愛護包括欣賞，喜歡大自然！喜歡大自然，就不會把城市搬去大自然了！

愛護包括愛惜，不會消費大自然，也不會過度飲食！當然也會帶走垃圾！

愛護包括珍惜，不會破壞，包括不必要的聲音、不必要的燈光！

若不愛，談不上享受...

那麼為甚麼人要把城市搬去郊外？

第一：土地問題，平日生活在狹窄環境，去郊外純要大地方！霸得越多越好！

第二：逃避，平日生活壓逼多，郊外沒人管！要是破壞，要是嘈吵，警察來也不會太快！

第三：不好在家做的，就在郊外做！玩火...

閒日露營的意外

怱怱趕上尾班 94 號巴士，滿以為它可帶我逃離人群，稍稍安靜一會．．．

 原本想去黃石，誰不知山下非法位都紥滿了營，流星雨叫閒日不再閒？

 珍惜黃石取到的水，傻傻地帶著它在毛毛細雨中走到大灘

 大灘人也多，但不算爆滿；不想太接近別人，不然就不用到郊外了？

 勉強找到一處紥了營，寧選略斜之地，不選人群之中...

 風很大，雨尚可，濕但沒濕透

 雨中起營，風想要搶走我的營，我捉著營不放，也抓緊時間，免得濕透

 起好了營，急忙把東西都放進營內，自己也鑽進去...

 休息了一會才開地蓆和睡袋，開始有點累，這也帶來了真正安靜的一刻

 休息過後，安置好一切，走到外邊重新打營釘，怕半夜更風大雨大

 弄好了一切，走回去看書，開了輕音樂，只為蓋過人群的喧嘩

 好可憐吧？一心閒日去就是想安靜，但流星雨破壞了閒情，而微雨也送走了流星雨...

 睡前刷牙，雨停了，但人聲、風聲仍未止

 矇矓中，聽到人聲止住後不久，野豬攻擊垃圾桶的爆響聲又來了！

早上七時多， 一班外藉小孩興奮地叫嚷，似要告訴大家他們要離開...

 仍忍著不理，直到八時多才出去面對現實，發現大部份人都離開了...

 那時，我的露營時光才真正開始...

Solo Hiking: Dragon's Back

Actually, I did it before, but this time is longer and more complete.

I did wear a heart beat monitor to alert myself, there are so many people along the way perhaps this path is so famous.

Taking bus 9 from Shau Kei Wan MTR station, all the way to 土地灣 (also indicated as Dragon's Back), the entrance of the hiking trail is in view after dropping off.

The view could be really nice when weather permits.

I brought along my ukulele...

I should do more hiking myself and I wish to have my first solo camping soon!

Top Link Express (匯購八方)

幾年前, 淘寶用得不多, 因為運費很貴, 每件分開來寄, 至少都要 $33 或以上, 還有許多店不發香港... 例如一個手機套, 在淘寶便宜很多, 但加上運費, 立即就貴過在香港買... 此外, 直運到家並不方便, 因為家裡總不是常常有人, 另外寄到往宅區還有附加費

後來有了淘寶官方集運, 可以把不同的貨品集合起來, 一次過寄來香港, 大批東西都是幾十元運費就可以了, 輕便的, 可以便利店取貨, 輕重的, 可以到自提點, 家裡不用有人等收貨

早幾天開始試用非官方集運, 價錢更便宜, 而且倘若是買一件貨品, 首重還差不多減半呢! 此外, 就算是比較大的物件, 也可以寄到街坊小店, 所以提貨的地點也方便了, 不必都到指定的自提點, 而且辦公時間亦較長呢!

Added on 30/June:

某次我在同一間商鋪買了兩件東西, 誰一知店主分開兩次來寄出! 我記得有次用官方集運, 結果其中一件收不到, 因為選轉運時只看見一個訂單!

但用非官方集運就簡單了, 因為凡收貨地址有你的會員編號, 那些貨物都會出現在轉運單上! 這對於重新發貨也很有用呢!