露營天幕

香港唔算太興天幕，估計不到一半人會開天幕，但其實天幕係好正既野。

遮風擋雨係基本，遮落葉甚至小蟲等亦不錯。

另外天幕方便吊起啲燈，或者用 LED 燈帶，亦甚至可以吊風扇，照明會比較均勻，俾人有家既感覺！

此外，若營起在天幕底，營內營外溫差會稍稍收窄，減少倒汗水！對於防水較差既營，當然亦唔怕滲水了！另外，因為雨水先在天幕，不會直接打落個營，大雨時音量亦會減低！

落雨時，去到營地只要起咗個天幕，開營或做咩都無難度！

第二朝起身，天幕就更重要！如果揀啱方向，天幕可以遮埋太陽，瞓到九點都不是夢！日出後溫度急升，銀面天幕降溫效果非常明顯，實在係神器！

當然，其實天幕都幾重，銀面 3x3 米天幕起碼都五六百克！若果再大塊啲，分分鐘近一公近！

另外，額外既營釘同埋風繩，隨時都三幾百克：

當然還有至少兩支天幕杆，呢度有四五百克！我就算用上碳纖既自制桿，每枝都近 200 克，當然若果有樹，或者可以只帶一枝，或甚至唔用！

無論點都好，用天幕差不多等於帶多個營！另外，開天幕比開營既技巧比較多，時間亦比較長！

除非環境或路途不許可，否則天幕對我嚟講，實在係必備！