露營輕量化物料

露營用品有好多種類，輕量化主要都係靠用唔同既物料，其實留意呢啲物料，已經差不多搵到合適既用品。

金屬最重係不鏽鋼、鐵，輕啲就係鋁，不過鋁都分好多級，再輕就係鈦。

金屬主要都係做煮食用具，或者天幕杆，好壞處呢度唔講，因為今次係集中講重量。

煮食用品最輕都係鋁同埋鈦，但天幕杆暫時都未見有鈦既，而近來都有碳纖維造既，實在都輕好多。

另外露營枱櫈，亦有鋁造既，同埋碳纖，當然碳纖又會輕啲。

最後係天幕、同埋營，最平依家似乎都係格子布或牛津布 (210T, etc)，呢類面料相當厚實，但係會比較重；輕一啲有 silnylon (15D/20D/etc)，最輕就係 Cuben fibre 或者 Dyneema Composite (有人譯做粗笨，大力馬)，但就貴到嘔血。