電油爐 BRS-8B

用咗 gas 爐好多年, 其實又方便, 又好用, 不過次次都掉兩個氣罐, 不太環保, 心裡唔太舒服

趁住減價, 就入咗個電油爐, 呢個電油爐用 gas 都得, 而我個 gas 爐都開始生銹, 遲早都要換, 所以買呢個算係一物二用

電油爐本身係較貴, 摸埋都二三百起跳, 而 gas 爐就幾十蚊有交易; 另外, 電油爐操作比較複雜, 而 gas 爐就簡單好多喇...

論火力, 一般電油爐強過 gas 爐好多, 但呢個同樣可以係缺點, 因為煮某啲野係需要細火多啲... 燃料成本, 電油爐略平

初試 BRS-8B, 感覺非常好, 開一陣已經燒到紅晒, 火焰係藍色既... 燃料從五金鋪買, 啤酒樽散裝, 一支大啤 $15, 應該可以用足兩日一夜, 火力大用嚟打邊爐應該會好好多

--

後來有機會試用 gas, 需要駁 adapter... 因為燃料經過火焰才噴出, 所以火力較猛, 亦用得較乾淨, 原本支氣得返好少, 但估唔到火力好大, 而且用得好清, 無浪費!

我諗我都唔會再用個舊爐了